Маңғыстау облысы бойынша экология департаменті қоршаған ортаны қорғауға және өңірдегі табиғи ресурстарды ұтымды пайдалануға байланысты міндеттерді орындауға жауапты. Негізгі функцияларға экологиялық нормалар мен стандарттардың сақталуын бақылау, мемлекеттік экологиялық сараптама жүргізу және ластану деңгейіне мониторинг жүргізу кіреді.
12.08.2022 жылғы № 11 филиал құру туралы шартқа сәйкес «ҚР экология, геология және табиғи ресурстар министрлігі Экологиялық реттеу және бақылау комитетінің Маңғыстау облысының экология департаменті» РММ базасында кафедра филиалы құрылды.
Оқыту барысында «Экология және геология» кафедрасының студенттері филиал базасында білім алуға мүмкіндік алады. Аталған Департаментте білім алушылар Ақтау қаласы бойынша кәсіпорын объектілеріне және сынама алу нүктелеріне бара отырып, топыраққа, суға және ауаға экологиялық мониторинг жүргізудің практикалық дағдыларын игереді.
